Profesor Dr. Zoran Shapuriq është i diplomuar në drejtësi dhe doktor i shkencave. Ai u diplomua në Fakultetin e Drejtësisë, ka një diplomë master dhe doktorature në Universitetin “ShënKirili dhe Metodia” në Shkup, duke fituar doktoraturë në shkencat politike dhe juridike. Ai ka kaluar provimin e jurisprudencës dhe noterisë dhe ka titullin e profesorit të rregullt në Universitetin Kolegji Amerikan në Shkup.
Ka botuar 40 punime kërkimore shkencore ndërkombëtare, të indeksuara në baza të të dhënave të respektuara shkencore, në fushën e mjedisit dhe zhvillimit të qëndrueshëm, Bashkimit Evropian dhe vetëqeverisjes lokale, shtatë prej të cilave në “Web of science”, 12 në “Thomson Reuters” dhe në baza shkencore të tjera ndërkombëtare. Ka botuar shumë vepra dhe libra shkollorë.
Në karrierën e tij të deritanishme, Shapuriq ka qenë Ministër i Mjedisit dhe Planifikimit Hapësinor dhe Ministër pa portofol, i ngarkuar me klimën e investimeve të ndërmarrjeve vendase, anëtar i Parlamentit të Republikës së Maqedonisë, kryetar i Komisionit Parlamentar për Sistemin Politik dhe Marrëdhëniet me komunitetin dhe anëtar i komisioneve të tjera parlamentare të delegacionit parlamentar në Asamblenë e Bashkimit Evropian Perëndimor dhe NATO.
Ai gjithashtu ka punuar në Gjykatën Kushtetuese të Maqedonisë si bashkëpunëtor i lartë profesional, ishte ndihmës drejtor i përgjithshëm në MZT komerc dhe zëvendësdrejtor i përgjithshëm në NP “Parqe dhe gjelbërim Shkup”.
Ai flet rrjedhshëm anglisht dhe flet në mënyrë aktive disa gjuhë të vendeve në rajon. Zotëron njohuri pasive të gjuhës gjermane.