Во салата на општинската зграда во Прилеп, вчера попладне, директорот на Државнопт онспекторат за земјоделство, Зоран Шапуриќ, министерот за земјоделство, шумарство и водостопанство Арјанит Хоџа,   имаше  средба со Иницијативниот одбор на незадоволни тутунари и Сојузот на тутунарски здруженија.

Во напната атмосфера, тутунарите го искажаа своето незадоволство од непочитувањето на договорот од петокот, од страна на откупните претпријатија како и незадоволство од проценката на тутунот. Министерот Хоџа ги извести  тутунарите за вчерашниот состанок, кој беше одржан заедно со премиерот Заев и откупувачите. Ги извести и за моменталната откупена количина и просечната  откупна цена на тутунот.

За таа цел закажана е средба во петок, на која ќе присуствуваат и откупните компании. Дотогаш, протестите ќе бидат прекинати! Ги информирав присутните дека вчера Државниот инспекторат за земјоделство присуствуваше на првите приговори до второстепената комисија. Откупот на тутун е во почетна фаза. Законскиот рок за целосно отварање на сите пунктови е најдоцна до 15 декември.

Министерот Хоџа  повика на воздржаност и почитување на договорот од петокот, постигнат помеѓу двете страни.

Најавена е  повторна средба во петок, на која ќе присуствуваат двете страни, за да биде направен пресек на количината на откупен тутун за оваа недела. Преку тие бројки ќе се добие солидна основа за разговор и анализа.